• Арганізуй свае кантакты і мабілізуй іх
  

Актывісты і праграмісты, якія распрацоўваюць адкрытае праграмнае забеспячэнне (open source)

CiviCRM – гэта дармовая кампутарная праграма open source, якую вы можаце выкарыстоўваць для кіравання сваімі кантактамі. Праграма дазваляе адсылаць групавыя email’ы і сачыць за адказамі на іх, што можа быць важным пры арганізацыі мерапрыемстваў і пошуку фінансавання. Падобна да адраснай кнігі, CiviCRM арганізоўвае кантактную інфармацыю ў базу дадзеных, акрамя таго, адлюстроўвае вашы ўзаемадзеянні з людзьмі (адпраўленыя лісты, атрыманыя адказы, наведаныя мерапрыемствы) і ўзаемаадносіны паміж імі. CiviCRM захоўвае дадзеныя на вашым асабістым сэрверы, што дазваляе забяспечыць канфідэнцыйнасць інфармацыі і адкрывае вам доступ да яе ў кожным месцы, дзе падключаны Інтэрнет.

ВЫКАРЫСТАНЫЯ СРОДКІ: CiviCRM патрабуе веб-сэрвер з актыўным PHP і MySQL, з магчымасцю выкарыстання Drupal ці Joomla, ці аўтаномнай сістэмы кіравання зместам (CMS).

СПАСЫЛКІ ДЛЯ ДАДАТКОВАЙ ІНФАРМАЦЫІ:

Веб-сайт

Дармовая інструкцыя

• Перадача інфармацыі мэтавым групам адрасатаў

Mercy Corps and Frontline SMS

Адным з значных момантаў работ па адбудове пасля азіяцкага цунамі было выкарыстанне арганізацыяй Mercy Corps праграмы FrontlineSMS для адпраўкі мэтавым групам важнай інфармацыі на мабільныя тэлефоны. FrontlineSMS – дармовае праграмнае забеспячэнне open source, якое дазваляе рабіць рассылку SMS-паведамленняў зададзенай групе кантактаў. Такім чынам, Mercy Corps маглі дасылаць розныя тэксты розным групам асоб. Пры дапамозе мабільных тэлефонаў людзі, што пацярпелі ад цунамі, мелі доступ да важных для іх аператыўных звестак.

ВЫКАРЫСТАНЫЯ СРОДКІ: FrontlineSMS, мабільныя тэлефоны

СПАСЫЛКІ ДЛЯ ДАДАТКОВАЙ ІНФАРМАЦЫІ:

FrontlineSMS

Mercy Corps і  FrontlineSMS