• Інфанет
  

Сетка сацыяльнага развіцця, Усходняя Афрыка

Грамадзяне могуць атрымаць інфармацыю пра фінансаванне ўрадам праектаў, скіраваных на развіццё, адпраўляючы тэкставае паведамленне на Інфанет – платформу для кантролю за бюджэтам. Запыты карыстальнікаў дазваляюць сфармаваць карціну таго, якія бюджэтныя фонды і ў якіх галінах прыцягваюць найбольшую ўвагі. Удзельнікі могуць таксама пакідаць каментары да кожнага праекту, далучанага да веб-сайту, і ўдакладняць, абвяргаць ці дадаваць інфармацыю, альбо звязвацца з мясцовай групай сацыяльнага развіцця, якая можа дапамагчы высветліць размеркаванне і выкарыстанне грамадскіх сродкаў. На дадзены момант было зарэгістравана больш за 36000 праектаў па развіцці. У першы месяц 25000 асоб звярнуліся да Інфанету праз мабільную сувязь і 15000 чалавек наведалі веб-сайт.
 

ВЫКАРЫСТАНЫЯ СРОДКІ: база дадзеных (WampServer: Apache, PHP, MySQL), веб-сайт, мабільныя тэлефоны

СПАСЫЛКІ ДЛЯ ДАДАТКОВАЙ ІНФАРМАЦЫІ:

Платформа для кантролю за бюджэтам

Сетка сацыяльнага развіцця

• Тэлефон свабоды
  

Праваабаронцы ў Зімбабве

Кубатана – гэта медыяльны і камунікацыйны праект, які аб’ядноўвае, пашырае і распаўсюджвае інфармацыю, створаную грамадзянскай супольнасцю Зімбабве. Матэрыялы публікуюцца на www.kubatana.net і распаўсюджваюцца праз сістэматычныя электронныя бюлетэні ці SMS-нагадванні. Многія матэрыялы, у тым ліку надрукаваныя артыкулы, справаздачы, CD і DVD дасылаюцца па пошце прыватным асобам і арганізацыям ва ўсім Зімбабве. У адказ на развіццё сетак мабільнай сувязі ў краінах, якія развіваюцца, Кубатана працуе над стварэннем платформы open source – “Тэлефон свабоды” (Freedom Fone), для пашырэння выкарыстання інтэрактыўных галасавых адказаў (IVR) мясцовымі супольнасцямі і НДА, скіраванымі на развіццё. Freedom Fone дазволіць арганізацыям стварыць уласны call-цэнтр і забяспечыць яго наборам тэматычных адказаў-па-запыту на любой мове. 

ВЫКАРЫСТАНЫЯ СРОДКІ: FrontlineSMS, мабільныя тэлефоны, стацыянарныя кампутары, якія забяспечваюць працу call-цэнтра Freedom Fone.

СПАСЫЛКІ ДЛЯ ДАДАТКОВАЙ ІНФАРМАЦЫІ:

Freedom Fone