---

ТЭХНАЛОГІЯ, ЯКАЯ СЛУХАЕ

дазвольце людзям задаваць пытанні

спампаваць гэтую картку (pdf 744kb)

ONEWORLD UK/EDUCATION AS A VACCINE AGAINST AIDS

СПЛАНУЙ СВАЮ АКЦЫЮ

• Знайдзіце крыніцы інфармацыі. Кампанія па кантролі за бюджэтам Інфанет засноўвалася на ўрадавых дадзеных, дадзеных, атрыманых ад мясцовых груп сацыяльнага развіцця, на запытах тэкставых паведамленняў і апублікаваных на веб-сайце. Такім чынам, Інфанет карыстаецца краўд-сорсінгам для збору дадзеных, што дапамагло стварыць новую інфармацыю і спраўдзіць вядомыя дадзеныя.
• Кожная платформа для перадачы тэкставых паведамленняў павінна быць дапасаваная да патрэб карыстальнікаў. Некаторыя праграмы больш прыдатныя для распаўсюджання актуальных навінаў, дасылаючы аднолькавыя паведамленні вялікай колькасці асоб, іншыя – для дастаўкі канкрэтных адказаў на канкрэтныя пытанні, зададзеныя рознымі людзьмі.
• Праца з тэкставымі паведамленнямі і дадзенымі ці перадача голасу праз мабільную сувязь можа патрабаваць правядзення перамоваў з тэлекамунікацыйнымі кампаніямі, што ў сваю чаргу можа заняць шмат часу і фінансавых затрат. Запытайцеся ў іншых арганізацый у краіне, як яны здолелі арганізаваць супрацоўніцтва, даведайцеся, якія мабільныя аператары могуць ахвяраваць аптовыя кошты ці скідкі для непрыбытковых арганізацый.
• Некаторую інфармацыю можа быць лепш перадаваць праз веб-сайты ці галасавыя Інтэрнет паслугі як, напрыклад, Freedom Fone. Многія праекты выкарыстоўваюць камбінацыю розных метадаў дзеля павялічэння поспеху кампаніі.
• Падчас акцыі вы зможаце прасачыць, якія рэгіёны больш актыўныя, на падставе нумароў мабільных тэлефонаў ці пры дапамозе хуткіх апытанняў праз SMS-паведамленні.

---

ЗРАБІ ГЭТА САМЗапытай сябе

• Як вы будзеце збіраць дадзеныя, якія плануеце зрабіць даступнымі для людзей? Якім крыніцам вы можаце давяраць?
• Ці дазволіце вы людзям дадаваць уласныя дадзеныя да вашых падчас акцыі?
• Ці ёсць распрацаваная праграма, якую вы можаце выкарыстоўваць для збору пытанняў і перадачы інфармацыі, ці вам прыйдзецца ствараць уласную?
• Які план працы з СМІ ці рэкламнай кампаніі вы маеце для павялічэння ўдзелу ў акцыі?
• Якія апошнія падзеі вы можаце выкарыстаць, каб прыцягнуць як мага болей увагі да вашай праблемы?
• Акрамя непасрэднага адрасата ці існуе мэтавая аўдыторыя (асоба ці арганізацыя), якая мае рэальныя ўплывы, каб змяніць сітуацыю? Ці можаце вы папрасіць прыхільнікаў непасрэдна звярнуцца да гэтай асобы ці арганізацыі?
• Быць можа, пад час акцыі вам трэба будзе сабраць і перадаць праз тэлекамунікацыйныя сеткі далікатную інфармацыю. Ці могуць узнікнуць праблемы бяспекі і аховы прыватных дадзеных? Якія меры вы зможаце прыняць, каб пазбегнуць іх?

---

Розныя спосабы рэалізацыі ідэі

1. Для таго, каб зрабіць адпраўку SMS на ваш нумар дармовай для ўдзельнікаў акцыі, вы можаце выкупіць у мабільнага аператара кароткі код. Гэтая коды прызначаныя для таго, каб быць больш лёгкімі для запамінання, чым звычайныя нумары тэлефонаў. Супольнае ўжыванне кароткіх кодаў можа быць значна больш даступным, чым выдзеленыя нумары.
2. Калі звычайная сістэма пытанняў-адказаў не вельмі прыцягвае ўвагу вашай аўдыторыі,  вы можаце прадставіць інфармацыю ў выглядзе займальных ці адукацыйных віктарын.
3. Задайце пытанне на спрэчную тэму і збярыце меркаванні праз тэкставыя ці галасавыя паведамленні. У адказ вышліце інфармацыю пра факт ці спасылку, дзе ўдзельнікі могуць знайсці больш звестак на дадзеную тэматыку.
4. Калі вы атрымаеце згоду, можна выкарыстоўваць кантактную інфармацыю асоб, каб звязацца з імі зноў у наступных праектах.
5. У час пратэстаў ці дэманстрацый папрасіце прыхільнікаў адправіць на ваш нумар SMS, калі яны хочуць атрымліваць абнаўленні пра дзеянні паліцыі, меры бяспекі, юрыдычную ці медычную падтрымку ў час акцыі.

---

РЭКАМЕНДАВАНЫ ІНСТРУМЕНТ Стварыце ўласны call-цэнтр з дармовымі званкамі і інтэрактыўным галасавым меню FreeSwitch гэта дармовая праграма open source, якая дазваляе перадаваць інфармацыю праз галасавую пошту і інтэрактыўнае галасавое меню. Пасля ўстаноўкі вы можаце стварыць інтэрактыўнае галасавое меню (IVR), і сістэма будзе адказваць на ўнікальныя пытанні, зададзеныя ўголас ці набраныя на клавіятуры тэлефона. IVR дае інфармацыю, якая была запраграмавана вамі загадзя, ці ў выглядзе дынамічнага адказу на пытанне, ці папярэдняга запісу.

ПАРАДЫ БРЭНДА БУРЭЛ, З КУБАТАНЫ, ПРА МАБІЛЬНЫЯ ТЭЛЕФОНЫ: “Найбольш перспектыўная тэхналогія ў свеце – гэта мабільныя тэлефоны, асабліва ў краінах, якія развіваюцца, дзе яны сталіся сродкам сувязі звычайнага чалавека. Цяпер у кампаніях найбольш актыўна выкарыстоўваюцца тэкставыя паведамленні, але ёсць яшчэ шмат іншых інавацыяў у гэтай вобласці, якія можна выкарыстоўваць”.   УДЖУ ОФОМАТА, З MYQUESTION, MY ANSWER, ПРА АБ’ЯДНАННЕ ЛЮДЗЕЙ ПАЎЗ ПЛАТФОРМЫ: “У нашай акцыі тэкст, голас і Інтэрнет – усе былі злучаныя. На некаторыя пытанні немагчыма адказаць у 160 знаках, да якіх абмежаваныя SMS. Часамі мы прасілі людзей патэлефанаваць на наш дармовы нумар, каб яны маглі размаўляць з намі непасрэдна. Часамі трэба даведацца крыху больш, перш чым ты зможаш знайсці правільны адказ”.   ЭВАН «РАБЛЕ» ХЕНШОЎ-ПЛАТ, ТЭХНОЛАГ, ПРА МОЦ ГОЛАСУ: “Здаецца, што тэхналогіяй краін, якія развіваюцца, сталіся тэкставыя паведамленні, хоць не меншым папулярнасцю карыстаюцца і размовы па мабільных тэлефонах. Некалі тэлефон быў цалкам пад кантролем тэлекамунікацыйных манаполій, але за апошнія некалькі год адбылося поўнае адраджэнне ў свеце тэлефаніі дзякуючы галасавым паслугам, збудованым на Інтэрнет-платформах. Цяпер кожны можа запусціць уласную тэлефонную кампанію на дармовым праграмным забеспячэнні”.

 

---

ТЭХНАЛОГІЯ, ЯКАЯ СЛУХАЕ

дазвольце людзям задаваць пытанні

спампаваць гэтую картку (pdf 744kb)

Канкрэтны прыклад

НАЗВА: ХТО: ДЗЕ: ВЕБ-САЙТ:

МаёПытанне, МойАдказ (MyQuestion, MyAnswer) OneWorld UK/Education as a Vaccine Against AIDS НІГЕРЫЯ http://mobile.oneworld.net

АПІСАННЕ
Маладым людзям у Нігерыі складана атрымаць дакладную інфармацыю адносна сексуальнага выхавання і палавога здароўя ў сувязі з культурнымі забаронамі і табу. У выніку супрацоўніцтва брытанскай НДА “АдзінСвет” і нігерыйскай “Адукацыя як вакцына супраць СНІДу” была распачата акцыя з выкарыстаннем мабільных тэлефонаў “МаёПытанне/МойАдказ” (MyQuestion/MyAnswer), якая дазваляла маладым людзям ананімна і бяспечна самім арганізаваць уласнае сексуальнае выхаванне. Праект MyQuestion/MyAnswer засноўваецца на ўменні аўдыторыі карыстацца мабільнымі тэлефонамі і перакананні, што інфармацыя, якую яны атрымаюць на тэлефоны, застанецца прыватнай і не будзе крытыкавацца дарослымі. Пытанні могуць задавацца праз SMS-паведамленні. Адказы змяшчаюць медыцынскую інфармацыю, дадзеныя аб мясцовых шпіталях, ёсць мажлівасць тэлефоннай кансультацыі з спецыялістам. На падставе пытанняў, якія задаваліся найбольш часта, была створана база актуальных пытанняў. “Нашай самай важнай задачай было знайсці чалавека, які будзе размаўляць з імі адкрыта”, – кажа менеджэр праекту Уджу Офомата. “Пераканаць людзей пазней карыстацца паслугай ужо не было складаным”. За першыя два гады рэалізацыі праекту арганізацыя атрымала каля 60000 пытанняў.

 

ВЫКАРЫСТАНЫЯ СРОДКІ:	мабільная платформа, створаная на аснове праграмы open source (Apache веб-сэрвер, аплікацыя PHР, база дадзеных MySql), веб-сайт, мабільныя тэлефоны.
СФЕРА ЎПЛЫВУ:	Дзяржава; большасць карыстальнікаў былі жыхарамі гарадоў і прадмесцяў, а таксама паходзілі з Паўднёвай Нігерыі.
РЭСУРСЫ:	Мясцовыя партнёры, кампанія ў прэсе. Дзякуючы таму, што арганізатары акцыі дзейнічалі супольна з мясцовым НДА, што мела вялікі досвед працы з мясцовымі маладымі людзьмі, кампанія выклікала давер насельніцтва. Вялікая кампанія ў прэсе, радыё і на тэлебачанні дапамагла распаўсюдзіць інфармацыю пра акцыю сярод маладых людзей.
ЧАС:	5 месяцаў на распрацоўку і запуск мабільнай платформы. Перамовы з тэлекамунікацыйнымі кампаніямі занялі не менш за 3 месяцы. Праект працягвае ажыццяўляцца.

УЗРОВЕНЬ СКЛАДАНАСЦІ: 4 з 5

 

КОШТ: USD$30000 на тэлекамунікацыйныя выдаткі, USD$10000 на рэкламную кампанію, USD$60000 на заробкі і кіраванне праектам.

 

СПАСЫЛКІ ДЛЯ ДАДАТКОВАЙ ІНФАРМАЦЫІ:

Відэафільм пра праект

Веб-сайт электроннай адукацыі