Выклікай усмешку

Проста дадай гумар

спампаваць гэтую картку (pdf 672kb)

WWW.TANTAWY.TK

СПЛАНУЙ СВАЮ АКЦЫЮ

• У кожнай акцыі, таксама і гумарыстычнай, важна, каб абраныя тактыкі адпавядалі зацікаўленням і ўменням людзей, якіх вы хочаце мабілізаваць. Егіпецкая плакатная акцыя выкарыстала знаёмства маладых людзей з праграмамі для апрацоўкі фотаздымкаў, уменне рабіць калажы, жаданне распаўсюджваць праз Інтэрнет смешныя выявы.
• Праект ЛуНет не меў цэнтралізаванага кіравання. Гэта павялічыла колькасць людзей, якія ўдзельнічалі ў падрыхтоўцы і распаўсюджванні парадыйных выяваў і веб-сайтаў. Дэцэнтралізацыя зменшыла рызыку адказнасці за акцыю, якую б мог панесці адзін арганізатар.
• Інфармацыя, пададзеная ў нефармальнай атмасферы – у караоке-бары ці пабе – можа вельмі эфектыўна змяншаць страх і дазволіць людзям адчуць сябе заангажаванымі ў праблему. Таксама выніковым можа быць згуртаванне людзей у віртуальных сацыяльных сетках.
• Добрае баўленне часу і грамадскае прызнанне можа служыць матывацыяй да дзеянняў. Рэагуючы на з’яўленне калажаў з выявай прэзідэнта Мубарака ці запуск Інтэрнет-сайтаў прэзідэнта Лукашэнкі, людзі пакідалі каментары аўтарам матэрыялаў на профілях у сацыяльных сетках, блогах і сайтах для публікацыі відэа- і фота-матэрыялаў. Каментары звычайна змяшчалі станоўчыя водгукі. Гэта нефармальная ўзнагарода за ўдзел у акцыі можа дапамагчы людзям застацца заангажаванымі ў акцыях, прысвечаных нават вельмі сур’ёзным і небяспечным праблемам.

ЗРАБІ ГЭТА САМЗапытай сябе

• Ці будзеце вы прасіць людзей рабіць нешта ў межах акцыі: фотаздымкі, відэа, мультфільмы? Як вы будзеце распаўсюджваць матэрыялы ў Інтэрнеце і якія сродкі выкарыстаеце дзеля захавання ананімнасці ўдзельнікаў?
• Адсочваць з’яўленне фотаздымкаў і відэафільмаў, якія робяць людзі ў час жартоўнай акцыі, можа быць складана. Як вы будзеце захоўваць матэрыялы, падрыхтаваныя ўдзельнікамі?
• Як вы будзеце вытрымліваць баланс паміж павагай да людзей, якія заангажаваныя ў праблематыку, і яе сатырычным зместам? Колькі гумару вы можаце сабе дазволіць, каб людзі не перасталі вам давяраць?
• Ці пагражаюць сур’ёзныя наступствы тым, хто крытыкуе ўрад і іншых чыноўнікаў, у рэгіёне, у якім вы працуеце?
• Ці вы будзеце звяртацца непасрэдна да СМІ для папулярызацыі вашых дзеянняў і вашай акцыі?
• Ці існуе ўзаемасувязь між вашай спантаннай, жартоўнай акцыяй і праваабарончымі арганізацыямі, якія займаюцца больш “традыцыйнымі” акцыямі? Можа, ёсць сэнс аб’яднаць высілкі?
• Як вы адольваеце пераход ад публікацыі матэрыялаў у Інтэрнеце да дзеянняў у рэальным свеце?

Розныя спосабы рэалізацыі ідэі

1. Калі вы не можаце выкарыстоўваць Twitter ці іншую падобную службу для рассылкі паведамленняў вялікай колькасці ўдзельнікаў па тэхнічных прычынах ці для захавання канфедэнцыйнасці, адпраўце SMS-паведамленні непасрэдна на нумары тэлефонаў вашых прыхільнікаў. Працаўнікі секс індустрыі звярнуліся да гэтага спосабу пры арганізацыі флэшмобу чырвоных парасоляў – сімвала іх акцыі, якія ўдзельнікі кампаніі раскрылі перад будынкам грамадскай адміністрацыі праз некалькі гадзін пасля паведамлення аб яе пачатку.
2. Вы можаце данесці сваё пасланне пры дапамозе рынгтону мабільных тэлефонаў. Пасля прэзідэнцкіх выбараў 2004 г. на Філіпінах актывісты падрыхтавалі рынгтон на падставе запісанай тэлефоннай размовы прэзідэнта, з якой вынікала, што ён прызнаваў фальсіфікацыю выбараў. Галасавы тэкст быў зведзены з музыкай, што прывяло да стварэння сапраўднага рынгтону. Мелодыя стала адным з найбольш пампаваных рынгтонаў. Пэўная арганізацыя прадставіла мяркуемы арыгінал тэлефоннай размовы і прапанавала стварыць уласны рынгтон.
3. Выкарыстоўвайце ў сваёй акцыі калажы ці парадыйныя выявы, якія выкладваліся ў блогах і на сайтах сацыяльнай сеткі, пераапрацаваўшы іх у вулічныя трафарэты, плакаты і рэкламныя ўлёткі.
4. Акрамя стварэння парадыйных веб-сайтаў як ЛуНет вы можаце зрабіць пародыі на сайты навінаў, у якіх будуць крытыкавацца цэнзураваныя СМІ і будзе прадстаўлена практычная інфармацыя і навіны цікавым і нечаканым спосабам.

Выклікай усмешку

Проста дадай гумар

спампаваць гэтую картку (pdf 672kb)

Канкрэтны прыклад

АПІСАННЕ
У адказ на прэзідэнцкія выбары ў Беларусі ў 2006 г. праваабаронцы выкарыстоўвалі Інтэрнет, каб арганізаваць акцыі пратэсту супраць кіравання прэзідэнта Лукашэнкі. Гэта былі перш за ўсё “флэшмобы” – кароткія, нечаканыя дзеянні з удзелам вялікай колькасці людзей, якія збіраліся ў публічным месцы і потым хутка знікалі. Флэшмобы звычайна арганізоўваліся дзень ці два перад іх правядзеннем праз веб-сайты, блогі, SMS’ы і онлайн-чаты. Яны мелі асабліва важнае значэнне для Беларусі, у якой несанкцыянаваныя грамадскія акцыі забаронены ўрадам.
У час аднаго з флэшмобаў каля 40–50 чалавек прыйшлі на плошчу і елі разам марозіва, у жартоўнай форме прыцягваючы ўвагу грамадскасці да абмежавання права на публічныя зборы. Нягледзячы на тое, што маладыя людзі не рабілі нічога, а толькі частаваліся марозівам, некалькі асоб былі затрыманыя. Іншыя зрабілі фотаздымкі арыштаў, якія потым былі распаўсюджаныя праз Жывы Журнал і іншыя веб-сайты. Гэты флэшмоб прыцягнуў увагу міжнародных СМІ. “Вынікам флэшмобу было тое, што людзі ўбачылі, наколькі жорсткімі і дурнымі могуць быць улады, якія затрымліваюць нават асоб, што проста ядуць марозіва. Людзі ўбачылі, што ў нашым грамадстве нешта не так”, – кажа Жэня Манцэвіч, журналіст і блогер у Беларусі.

УЗРОВЕНЬ СКЛАДАНАСЦІ: 1

КОШТ: Дарма, невялікія выдаткі на рассылку SMS-паведамленняў

СПАСЫЛКІ ДЛЯ ДАДАТКОВАЙ ІНФАРМАЦЫІ:

Блогі і фота

Артыкул

крытычны аналіз