Намалюй гэтавізуалізуй сваё пасланне

спампаваць гэтую картку (pdf 836kb)

WOMEN AND MEMORY FORUM

СПЛАНУЙ СВАЮ АКЦЫЮ

• У анімацыйных казках з Каіра (справа) сімвалы і персанажы былі адмыслова адабраныя, каб зрабіць далікатную праблему больш даступнай для ўспрыняцця кансерватыўнай аўдыторыяй“.
• Матэрыялы, якія вы ствараеце для візуалізацыі, могуць мець рознае прыкладанне. Напрыклад, мапы з Лівану выкарыстоўваліся, з аднаго боку, як запіс гістарычных здарэнняў, з іншага, для перадачы дадзеных па разбурэннях, для планавання работ па ратаванні і аднаўленні.
• У інтэрактыўных матэрыялах могуць выкарыстоўвацца фотаздымкі, малюнкі, відэа і іншыя дакументы, атрыманыя ад розных людзей. У выпадку з туніскім Google Earth і YouTube калажам, новыя відэафільмы дадаваліся да мапы аўтаматычна, калі людзі размяшчалі іх у Інтэрнеце і надавалі ім геа-тэгі. 
• Аўдыторыя, якая не мае доступу да хуткаснага Інтэрнету, можа быць забяспечана візуальнымі матэрыяламі офлайн: напрыклад, праз распаўсюджанне відэафільмаў, даступных для пампавання ці запісаных на VCD/DVD альбо USB флэш-носьбіты, шырокафарматных плакатаў ці ўлётак, праз выкарыстанне магчымасці публічнай дэманстрацыі фільмаў.
• Эфектыўныя візуальныя матэрыялы не толькі прыцягваюць увагу і даюць эстэтычнае задавальненне. Перш за ўсё візуальныя вобразы ўдакладняюць змест паслання і падказваюць шляхі яго інтэрпрэтацыі.

ЗРАБІ ГЭТА САМЗапытай сябе

• Што найбольш важна для вашай візуальнай акцыі: данесці ідэю, мінаючы моўныя бар’еры, выразіць складаную інфармацыю праз простую графіку, і/ці здзівіць і заангажаваць людзей праз творчыя, прывабныя вобразы?
• Ці грунтуецца ваша акцыя на нейкай канцэпцыі альбо слогане? Як можна выразіць вашу ідэю, каб яна была больш зразумелай асобам, якіх вы імкняцеся прыцягнуць?
• Як вы можаце прыцягнуць людзей да ўдзелу ў вашай акцыі: звярнуцца з просьбай дасылаць фотаздымкі і відэафільмы, прапанаваць супрацоўніцтва на адлегласці ці непасрэдна, заахвоціць абменьвацца відэафільмамі, мапамі ці мультфільмамі з іншымі?
• У якіх дзеяннях у межах вашай кампаніі новыя асобы могуць прыняць удзел, дапамагаючы іншым ці робячы штосьці самастойна? Ці лічыце вы распаўсюджанне матэрыялаў удзелам у акцыі? Для каго прызначаныя гэтыя матэрыялы ў першую чаргу: да ключавых асоб ва ўрадзе, мясцовых НДА ці супольнасцяў, СМІ?
• Як вы можаце зрабіць даступнымі візуальныя матэрыялы вашай кампаніі для тых, хто не мае доступу да Інтэрнету ці кампутара?

Розныя спосабы рэалізацыі ідэі

1. Зрабіце ўласную версію турыстычнай мапы горада, на якой, акрамя асноўных гарадскіх аб’ектаў, будзе змяшчацца інфармацыя, датычная праблематыкі акцыі. Раздайце гэтую мапу гасцям горада, студэнтам, людзям, якіх можна прыцягнуць да ўдзелу ў кампаніі.
2. Калі вы не ведаеце, як зрабіць анімацыйнае відэа, можна стварыць фільм з серыі фотаздымкаў, дадаўшы музыку, субцітры і голас за кадрам, і такім чынам з’яднаць выявы ў адну гісторыю.
3. Пераапрацуйце наклейкі вядомых карпарацый, выкрываючы інфармацыю, якую яны самыя не прадстаўляюць: напрыклад, судовыя справы, якія вядуцца супраць кампаніі, ці падтрымка ёй ўзброеных канфліктаў.
4. Раздайце людзям танныя відэакамеры, каб яны маглі запісаць уласныя гісторыі, і на падставе гэтых фільмаў зрабіце інтэрактыўную мапу, якая будзе адлюстроўваць, як розныя людзі ў розных рэгіёнах перажываюць аднолькавыя праблемы.
5. Не трэба быць мастаком, каб ствараць візуальныя матэрыялы. “Воблака тэгаў” – група словаў, што прадстаўляюць большы ўрывак тэксту – можа быць простым спосабам візуальнага ўвасаблення вашай праблемы праз вылучэнне ключавых словаў з важнага дакумента ці веб-сайту.

Намалюй гэта

візуалізуй сваё пасланне

спампаваць гэтую картку (pdf 836kb)

Канкрэтны прыклад

АПІСАННЕ
Каб заахвоціць людзей да правядзення акцый па ўсім свеце, прысвечаных праблеме змены клімату, 350.org стварыла анімацыйны фільм адпаведнай тэматыкі. Мультфільм заснаваны на выкарыстанні моцнага візуальнага раду, што перадае пасланне без ужывання словаў. Такім чынам, для яго зразумення не патрэбна веданне ніякай мовы. Асноўная ідэя вынікае з лічбы 350, якая, “па словах навукоўцаў, уяўляе крытычны ўзровень ўтрымання вуглякіслага газу ў атмасферы”, – кажа Філ Аранеану з 350.org. “Мы ведалі, што для арганізацыі глабальнай акцыі, мы можам выкарыстаць гэтую лічбу, каб прымусіць кожнага задумацца аб ёй”. Пасля таго як 350.org стварыла першую версію фільма ў Microsoft Paint, Free Range Studios апрацавалі яго дызайн і стварылі паўнавартасны анімацыйны Flash фільм.Мультфільм быў выкладзены на 350.org, YouTube’е і Facebook’у. DVD з ролікам былі разасланыя групам і станцыям тэлебачання ў рэгіёны з абмежаваным Інтэрнетам. Разважаючы пра поспех фільма, Філ кажа: “Цяжка назваць анімацыю сродкам для мабілізацыі людзей, але яна можа закрануць чалавека, прыцягнуць яго да веб-сайту, каб прымусіць задумацца, што ён сам хоча рабіць. Станоўчым бокам з’яўляецца таксама тое, што фільм дазваляе людзям адчуць сябе часткай нечага. З іншага боку, з-за таго што мультфільм вельмі кароткі, ён не можа даць такое разуменне 350, як бы я хацеў”. Нягледзячы на вялікія сродкі, выдаткаваныя на вытворчасць мультфільма, ён дазволіў выпрацаваць для 350 выразны графічны імідж, які з’яўляецца пазнавальным і ў якасці вобраза можа быць выкарыстаны ў далейшым у матэрыялах 350.org.

УЗРОВЕНЬ СКЛАДАНАСЦІ: 3 з 5

КОШТ: USD$10.000 для стварэння відэа. Бягучыя выдаткі на кіраванне і рэалізацыю праекту.

СПАСЫЛКІ ДЛЯ ДАДАТКОВАЙ ІНФАРМАЦЫІ:
350 анімацыйны фільм
350 YouTube канал