---

Выяві праўду

Правядзі следства і выкрый

спампаваць гэтую картку (pdf 804kb)

WWW.TORTUREINEGYPT.NET

СПЛАНУЙ СВАЮ АКЦЫЮ

• Калі вы не маеце пакуль дастатковай колькасці дадзеных, каб давесці парушэнні правоў ці карупцыі, можна пачаць кампанію з прэзентацыі наяўных дадзеных і пастаноўкі пытанняў да чытачоў і грамадскіх дзеячаў. Гэта можа заахвоціць іншых распачаць далейшае следства.
• Часта арганізатары акцыі павінны засноўвацца на дадзеных і сведчаннях, дасланых ананімна. Але часамі вы можаце мець непасрэдны кантакт з людзьмі, цесна звязанымі з праблемай. Абодва тыпа сведчанняў нясуць рызыка для людзей, якія распавядаюць свае гісторыі. Падумайце загадзя, як абараніць вашы крыніцы: іх імёны і месца знаходжання, таксама IP-адрасы, адрасы электроннай пошты, імёны на сайтах сацыяльных сетак.
• Калі вашы паведамленні, відэа, гісторыі будуць заўважаныя і скарыстаныя для размяшчэння іншымі, гэта можа дадаць новую інфармацыю да першапачатковай гісторыі. Варта сачыць, як ваша гісторыя распаўсюджваецца, якіх чытачоў ахоплівае і планаваць, як вы зможаце выкарыстаць новую інфармацыю, калі яна будзе з’яўляцца.
• У Егіпце, дзе самыя паліцэйскія выкарыстоўвалі мабільныя тэлефоны, каб абменьвацца відэафільмамі пра парушэнні правоў, якія яны ж рабілі, праваабаронцы мелі доступ да гэтых фільмаў і публікавалі іх онлайн. Як вы можаце спланаваць акцыю, каб выкарыстаць перавагі ўжо існуючых дакументаў для паўторнай публікацыі?

---

ЗРАБІ ГЭТА САМЗапытай сябе

• Што з’яўляецца падставовай мэтай вашай акцыі: стварэнне аднаго паўнавартаснага матэрыялу (напрыклад, відэафільм ці калаж) ці прадстаўленне рэгулярных абнаўленняў на блогу ці веб-сайце?
• Матэрыял, які рыхтуе ваша кампанія, звязаны з адзінкавым выпадкам ці доўгатэрміновай праблемай, якая працягвае развівацца?
• Як вы можаце заахвоціць групу прыхільнікаў да збору фактаў і сведчанняў?
• Якім чынам вы паклапоціцеся пра бяспеку і, калі будзе трэба, ананімнасць людзей, якія прадстаўляюць для вашай акцыі звесткі, сведчанні, інфармацыю адносна далікатных пытанняў?
• Хто з’яўляецца вашым прыхільнікам сярод прадстаўнікоў цэнтральных СМІ і іншых праваабарончых арганізацый, якія змогуць дапамагчы вам распаўсюдзіць інфармацыю сярод шырокай аўдыторыі? Як вы зможаце зацікавіць іх і да якіх дзеянняў будзеце заклікаць?
• Які план захавання вашых дадзеных у бяспецы вы распрацавалі, на выпадак канфіскацыі вашых камп’ютараў, цвёрдых дыскаў ці сэрвера?

---

Розныя спосабы рэалізацыі ідэі

1. Калі вы хочаце зрабіць відэа, але вам бракуе напрацаванага матэрыялу, можна знайсці малюнкі, фота, ролікі, што не ахоўваюцца аўтарскім правам і могуць быць прыдатнымі для перапрацоўкі і мантажу на такіх сайтах, як Flickr, Google Images ці Wikipedia. Змантуйце на іх аснове ўласнае відэа, дадайце музыку і голас за кадрам.
2. Для кампаній, для якіх не патрабуецца поўная ананімнасць, вы можаце выкарыстоўваць краўд-сорсінг для збору выяваў, гісторый, відэафільмаў для вашай акцыі пры дапамозе wiki – старонкі, на якой вы можаце даць доступ кожнаму да рэдагавання зместу. Ад пачатку трэба дакладна прадумаць механізмы праверкі праўдзівасці інфармацыі, каб мець пэўнасць, што людзі і падзеі на вашым сайце прадстаўлены верна.
3. Калі відэафільмы з аповедамі відавочцаў ці людзей, якія перажылі парушэнні правоў, маюць далікатны характар, быць можа, не варта публікаваць іх онлайн. Замест гэтага вы можаце арганізаваць закрытыя паказы фільмаў для груп праваабаронцаў ці ўплывовых асоб і арганізацый.
4. Не кожная кампанія патрабуе масавай аўдыторыі: значна больш важна – знайсці адпаведную аўдыторыю. Вы можаце выкарыстаць мажлівасці маленькай, запаленай да дзеяння аўдыторыі, і вынікі сумеснай працы пераказаць пазней уплывовым палітычным фігурам ці прэсе.
5. Гумар, сюрпрыз і папулярная культура могуць дапамагчы дасягнуць больш шырокую аўдыторыю. Вы можаце выкарыстоўваць коміксы і графіці, каб перадаваць вашу інфармацыю непасрэдна ці перадаваць пасланне тым людзям, хто не мае доступу да Інтэрнету.

---

РЭКАМЕНДАВАНЫ ІНСТРУМЕНТ Зашыфруйце свой e-mail Захаванне бяспекі карэспандэнцыі можа быць абавязковым для абароны вашых крыніц і сведкаў. Зашыфроўка e-mail’у можа быць складанай, але, калі вы працуеце ў такіх паштовых праграмах як Gmail, Yahoo Mail ці SquirrelMail, можна выкарыстоўваць плагін для веб-браўзеру FireGPG. FireGPG зашыфруе ваш e-mail, і вам дзеля гэтага не давядзецца нават пакідаць браўзер. Гэты плагін даступны на больш за 25 мовах. Каб карыстацца FireGPG, спачатку трэба інсталяваць GPG і стварыць ключ, унікальны ідэнтыфікатар, які дазволіць вам бяспечна шыфраваць і перадаваць паведамленні. У парадніку “Бяспека пад рукой”  падрыхтаваным Tactical Tech, вы зможаце знайсці больш падрабязныя інструкцыі пра гэтую і іншыя праграмы камп’ютарнай бяспекі.

ПАРАДЫ ДЭЙЛ КОНГМОНТ, З APNSW, ПРА СУПРАЦУ: “Вельмі важна працаваць з рознымі групамі праваабаронцаў і іншымі арганізацыямі, каб распаўсюджваць вашае пасланне як мага большай колькасці людзей, але не менш важна зрабіць так, каб пра вашу праблему пачулі ўплывовыя асобы. Падчас Міжнароднай канферэнцыі па праблеме СНІДу ў 2008 г. мы арганізавалі паказ такім чынам, каб некаторыя высокапастаўленыя чыноўнікі ААН убачылі наш відэаматэрыял. Пазней яны казалі, што на сам рэч не разумелі ўсёй сур’ёзнасці і маштабу парушэння правоў паліцыяй, пра якія мы казалі, пакуль не пабачылі фільм. Гэтае відэа было для іх штуршком да дзеяння”.   САМІ БЕН ГАРБІЯ, З GLOBAL VOICES, ПРА ЗААНГАЖАВАНАСЦЬ: “Магчымасць доступу да онлайн-інфармацыі ўжо сама з’яўляецца сілай. Аднак вы павінны таксама запоўніць вакуум паміж онлайн- і офлайн-актыўнасцю. Калі вы не можаце звязацца з аўдыторыяй, што не мае доступу да Інтэрнету, неабходна знайсці іншыя спосабы, як распаўсюджваць інфармацыю офлайн: выкарыстоўваць флэш-носьбіты USB, DVD, CD, плакаты, улёткі і г. д. Знайсці шляхі, каб звязаць онлайн- і офлайн-актыўнасць – адна з галоўных задач”.   НОХА АТЭФ, З TORTUREINEGYPT.NET, ПРА БЛОГІ: “Блогі з’яўляюцца выдатным інструментам для інфа-актыўнасці. Імі лёгка карыстацца, яны не патрабуюць глыбокіх тэхнічных ведаў, яны дармовыя і вельмі папулярныя, асабліва ў арабскім свеце.  Яны могуць быць сапраўды эфектыўным інструментам уздзеяння, асабліва калі пачынаюць карыстацца даверам і павагай у вялікай колькасці наведвальнікаў ці малой, але ўплывовай аўдыторыі”.

 

---

Выяві праўду

Правядзі следства і выкрый

спампаваць гэтую картку (pdf 804kb)

APNSW

Канкрэтны прыклад

НАЗА: ХТО:       ДЗЕ: Веб-сайт:

Паміж тыграм і кракадылам Сетка працаўнікоў секс-індустрыі краін Азіі і Ціхаакіянскага рэгіёну (Asia Pacific Network of Sex Workers (APNSW)) і Супольнасць жанчын за адзінства  (Women’s Network for Unity (WNU)) Рэгіён Азіі і Ціхаакіянскага басейну, асаблівы фокус на Камбоджы APNSW

Апісанне
Сябры Сеткі працаўнікоў секс-індустрыі краін Азіі і Ціхаакіянскага рэгіёну (APNSW) выкарыстоўвалі лічбавае відэа, каб задакументаваць жахлівыя ўмовы і парушэнні правоў чалавека, што перажылі працаўнікі секс-індустрыі, якіх трымалі ў так званых “рэабілітацыйных” цэнтрах у Камбоджы. У той час як мясцовыя СМІ і палітыкі сцвярджалі, што гэтыя цэнтры былі ўтвораны для прафесійнай адукацыі асоб, якія перабывалі там, працаўнікі секс-індустрыі, што здолелі ўцячы з гэтых цэнтраў, распавядалі пра напады, гвалт, адсутнасць доступу да чыстай ежы, вады і лекаў. “Мы працавалі з мясцовай групай APNSW, Супольнасцю жанчын за адзінства (WNU)”, – кажа Дэйл Конгмонт, сябра APNSW і аўтар фільма. “Людзі, у якіх мы бралі інтэрв’ю, з’яўляюцца сябрамі WNU, і мы працавалі з імі шмат гадоў. Мы патлумачылі ім, пра што хочам рабіць відэа, і некаторыя з тых, хто хацеў змагацца за ўвядзенне зменаў у законадаўства, згадзіліся даць відэа-інтэрв’ю”. APNSW выклала відэа на YouTube і blip.tv і паказала ў “Дзень дзеянняў” 500 працаўнікам секс-індустрыі ў Фном Пенхе. “Адзін з двух цэнтраў быў зачынены дзякуючы супольным высілкам APNSW, WNU і мясцовым групам па абароне правоў чалавека, якія супрацоўнічалі разам і прадставілі доказы таго, што парушэнні сапраўды мелі месца”.

 

ВЫКАРЫСТАНЫЯ СРОДКІ:	відэакамеры, праграма для рэдагавання відэа (Final Cut Pro), blip.tv, YouTube, веб-сайт
СФЕРА ЎПЛЫВУ:	Упершыню відэа было паказана ў час Міжнароднай канферэнцыі па праблеме СНІДу ў 2008 г. Мэтавай аўдыторыяй у той момант былі супрацоўнікі ААН, аднак відэа таксама было прадэманстравана некалькі тысячам асоб падчас канферэнцыі. На YouTube і blip.tv фільм быў прагледжаны 3000 раз.
РЭСУРСЫ:	Мясцовыя партнёры, якія арганізавалі “Дзень дзеянняў” і забяспечылі рэкламную кампанію; удзел у канферэнцыях для паказу відэа ўплывовым чыноўнікам; відэа курс, падрыхтаваны арганізацыяй СВЕДКА (WITNESS).
ЧАС:	Крыху менш за год на збор відэаматэрыялу і рэдагаванне, 2-тыднёвы курс, падрыхтаваны арганізацыяй СВЕДКА (WITNESS).

УЗРОВЕНЬ СКЛАДАНАСЦІ: 2 з 5

 

КОШТ: USD$15000 (USD$7000 – зарплаты супрацоўнікаў, USD$5000 – прадукцыя відэа)

 

СПАСЫЛКІ ДЛЯ ДАДАТКОВАЙ ІНФАРМАЦЫІ:

Відэа акцыі